«Манчестер Юнайтед» етти йилдан буён эриша олмаётган натижасини такрорлади

«Манчестер Юнайтед» ғалабалари сериясини давом эттирмоқда.

Жозе Моуриньо жамоаси Англия кубогининг «Рединг»га қарши учрашувида (4:0) ғалаба қозонди ва барча мусобақаларни қўшиб ҳисоблаганда ғалабали ўйинлари сонини 8тага етказиб олди, дея ёзмоқда Tribuna.uz.

Бунгача манчестерликлар «Заря» (2:0), «Тоттенҳэм» (2:0), «Кристал Пэлас» (2:1), «Вест Бромвич» (2:0), «Сандерленд» (3:1), «Мидлсбро» (2:1) ва «Вест Ҳэм»дан (2:0) устун келганди.

«Манчестер Юнайтед» сўнгги марта 8 учрашувдан иборат ғалабали сериясини 2009 йилнинг сентябрида ўтказганди.