Қирғизистонда йўловчи самолёти ҳалокатга учрашига бир бахя қолди

Қирғизистондаги «Манас» халқаро аэропорти «Тез Жет» авиакомпанияси самолёти фавқулодда қўнишни амалга оширгани ҳақида хабар берди.

2018 йилнинг 1 март куни «Манас» аэропортига Бишкекдан Баткенга йўл олган «Тез Жет» авиакомпаниясининг RJ-85 самолёти фавқулодда қўнишни амалга оширган.

Самолёт «Манас» аэропортидан соат 14:22да парвоз қилган. Учувчилар чап двигатель ишдан чиққани туфайли диспетчерлар орқали фавқулодда қўниш ҳақида сўрашган.

«Самолёт 14:52да муваффақиятли қўнди, 96 йўловчидан ҳеч ким жабрланмади», - дея хабар беришган аэропортдан.

Қирғизистон Республикаси Фуқаролик авиацияси агентлиги ушбу ҳолатни ўрганиш бўйича комиссия ташкил этди.

Бишкек-Баткен авиарейси йўловчилари самолётнинг зиён кўрган двигателини видеога ҳам олишди: