Боксинг-дэйнинг биринчи куни. «Тоттенҳэм» ва «Эвертон» 5тадан гол урди

Англия Премьер-лигасининг 19-турида «Тоттенҳэм Ҳотспур» «Борнмут»ни қабул қилди. «Уэмбли» стадионида кечган учрашувда майдон эгалари 5:0 ҳисобида ғалаба қозонишди.

Ғолиблар сафида Сон Хин Мин дубль қайд этди, Кристиан Эриксен, Лукас Моурава Ҳарри Кейн биттадан гол уришди. 

Шу тариқа, лондонликлар жамоаси чемпионатда қаторасига бешинчи ўйинда бешинчи ғалабага эришди. «Шпорлар» кейинги икки учрашувда жами 11та гол уришди. Бу ғалабалар эвазига Маурисио Почеттино шогирдлари очколари сонини 45тага етказган ва Англия чемпионати турнир жадвалида «Манчестер Сити»ни (44 очко) қувиб ўтган ҳолда иккинчи ўринга кўтарилган.

Тур доирасида кечган яна бир учрашувда «Бёрнли» «Эвертон»га йирик ҳисобда ютқазди (1:5). Меҳмонлар сафида голларга ҳимоячилар Мина ва Динь (дубль), шунингдек, яримҳимоячилар Сигурдссон ҳамда Ришарлисон муаллифлик қилишди. Мезбонларнинг ягона жавоб голи Гибсон томонидан урилди.

«Кристал Пэлас» ўз майдонида «Кардифф Сити»ни енга олмади (0:0), «Фулҳэм» ва «Вулверҳэмптон» учрашувида ҳам ғолиб аниқланмади (1:1).

Англия чемпионати
19-тур
Тоттенҳэм – Борнмут 5:0 (3:0, 2:0)
Голлар: 1:0 – 16 Эриксен, 2:0 – 23 Сон Хин Мин, 3:0 – 35 Лукас Моура, 4:0 – 61 Кейн, 5:0 – 70 Сон Хин Мин.
Тоттенҳэм – Льорис, Алдервейрелд, Роуз, Уокер-Питерс, Фойт, Сиссоко, Уинкс, Лукас Моура, Эриксен (Дэвис, 84), Сон Хин Мин (Льоренте, 88), Кейн (Скипп, 77).
Борнмут – Бегович, Кук, Дэниэлс, Фрэнсис (Рико, 45), Аке, Серман, Лерма, Брукс (Кинг, 74), Станислас, Фрэйзер, Уилсон (Муссе, 67).
Огоҳлантиришлар: Лерма (45), Сон Хин Мин (76), Уинкс (87).

Бёрнли – Эвертон 1:5 (1:3, 0:2)
Голлар: 0:1 – 2 Мина, 0:2 – 13 Динь, 0:3 – 22, пенальти Сигурдссон, 1:3 – 37 Гибсон, 1:4 – 71 Динь, 1:5 – 90 Ришарлисон.
Бёрнли – Ҳарт, Тарковски, Ми, Тэйлор, Гибсон (Макнил, 63), Корк, Вествуд, Хендрик (Гудмундссон, 63), Лоутон, Барнс, Воукс (Вуд, 73).
Эвертон – Пикфорд, Кин, Зума, Динь, Мина, Бернард (Дэвис, 80), Сигурдссон, Уолкотт, Андре Гомеш (Гуйе, 75), Коулмэн, Кэлверт-Льюин (Ришарлисон, 67).
Огоҳлантиришлар: Сигурдссон (25), Андре Гомеш (30), Лоутон (30), Гибсон (45), Гуйе (90), Ришарлисон (90).

Кристал Пэлас – Кардифф 0:0 (0:0, 0:0)
Кристал Пэлас – Гуаита, Томкинс, ван Анхолт, Уан-Биссака, Сако, Таунсенд, Макартур, Майер (Уикхэм, 63), Миливоевич, Заа, Куяте.
Кардифф – Этеридж, Моррисон, Бамба, Беннетт, Манга, Рид, Харрис, Роллс, Камараса (Гуннарссон, 90), Хойлетт (Артер, 90), Пелтьер.
Огоҳлантиришлар: Бамба (31), Хойлетт (45), Камараса (77).

Фулҳэм – Вулверҳэмптон 1:1 (0:0, 1:1)
Голлар: 1:0 – 74 Сессеньон, 1:1 – 85 Саисс.
Фулҳэм – Рико, Брайен, Чемберс, Одои, Кристи, Шюррле (Сессеньон, 67), Сери (Макдоналд, 82), Рим, Моусон, Митрович, Камара (Кэрни, 73).
Вулверҳэмптон – Руй Патрисиу, Доэрти, Коуди, Боли, Кастро (Рубен Винагре, 82), Гиббс-Уайт (Элдер Кошта, 63), Саисс, Траоре (Кавалейру, 46), Моутинью, Беннетт, Хименес.
Огоҳлантиришлар: Саисс (44), Чемберс (44), Кристи (45).