Лихачёв Тошкентда МИФИ филиали очилиши «Росатом» учун шараф эканлигини айтди

«Росатом» бош директори Алексей Лихачёв Тошкентда Россия миллий ядро тадқиқот институти “Москва инженерлик-физика институти”нинг филиали очилишини Россия корпорацияси учун шараф деб атади.

«Филиал очилиши – биз учун шараф, улкан ғурур ва чақириқ. Бу МИФИнинг хориждаги биринчи филиали. Унинг айнан Ўзбекистонда очилиши рамзий маънога эга», – деди Лихачёв олий ўқув муассасасининг тантанали очилиш маросимида.

Унинг сўзларига кўра, Ўзбекистонда АЭС қурилиши халқлар ўртасидаги ҳамкорлик учун бир асрлик тамал тошини қўяди.

«АЭС қуриш лойиҳаси – бу ўнлаб йилларга мўлжалланган лойиҳа. Станциямизнинг ўртача хизмат муддати 60 йил, яна 20-30 йил, ҳатто 40 йилгача узайиши мумкин. Шу тарзда биз соҳаларимиз, халқларимиз ўртасида бир асрлик ҳамкорликни таъминлаймиз», – деди «Росатом» раҳбари.

3 сентябрь куни Тошкентда Россия миллий ядро тадқиқот институти “Москва инженерлик-физика институти”нинг хориждаги биринчи филиали тантанали равишда очилди. Филиалнинг барча битирувчилари Ўзбекистон ва хорижда тан олинадиган Россия намунасидаги дипломга эга бўлишади.