Ақтау шаҳрида намойишчилар област маъмурияти биносини эгаллашга уринмоқда – ОАВ

Хабарларга кўра, Ақтау, Атирау, Олмаота, Нур-Султон, Қарағанда, Уральск, Толдиқўрғон, Қизилўрда, Чимкентда митинглар бўлиб ўтмоқда.

Фото: Sputnik

Қозоғистоннинг Манғистау областида намойишчилар Ақтау шаҳридаги област маъмурияти биносини эгаллашга уринмоқда. Бу ҳақда KZ NEWS хабар берди.

Аввалроқ ҳукумат комиссияси аъзолари Ақтаудаги намойишчилар билан учрашган ва Манғистау области учун бир литр газ нархи 50 тенге деб белгиланишини билдирганди.

Бироқ митинг иштирокчилари тарқалишни истамаган ва президент Қосим-Жўмарт Тўқаевнинг келишини талаб қилган.

“Спутник-Қозоғистон”нинг хабар беришича, Ақтау, Атирау, Олмаота, Нур-Султон, Қарағанда, Уральск, Толдиқўрғон, Қизилўрда, Чимкентда митинглар бўлиб ўтмоқда. Митинг қатнашчилари газ нархи Манғистаудаги каби туширилишини талаб қилмоқда.

Олмаотада What's App ва Telegram мессенжерлари ҳамда мобил интернет ишламаяпти.

#намойиш #Қозоғистон

2 январь куни Қозоғистоннинг Манғистау областида суюлтирилган газ нархи икки бараварга кўтарилганидан норози бўлган қозоғистонликлар оммавий митингга чиқишди ва кейинги кунларда намойишлар бутун мамлакат бўйлаб ёйилди.