Кореяга Ўзбекистондан малакали мутахассисларни ишга юбориш бўйича музокаралар ўтказилди
Ўзбекистоннинг Корея Республикасидаги элчихонаси ҳамда Ташқи меҳнат миграцияси агентлигининг мазкур давлатдаги ваколатхонаси вакиллари Жанубий Кореянинг «Hyundai Heavy Industries» кемасозлик компанияси масъул ходимлари билан учрашув ўтказдилар, дея хабар бермоқда «Дунё».
Мазкур учрашув Ўзбекистон бандлик ва меҳнат муносабатлари вазири Нозим Ҳусанов бошчилигидаги мамлакат делегациясининг мазкур кемасозлик комплекси раҳбарияти билан жорий йилнинг 1 декабрида Ульсан шаҳрида бўлиб ўтган ҳамкорлик масалалари бўйича музокараларининг мантиқий давоми сифатида ташкил этилди.
Мулоқот натижасида «Hyundai Heavy Industries» кемасозлик компаниясига Ўзбекистондан малакали мутахассисларни (пайвандчи, бўёқчи ва электрик) «Е-7» визаси асосида қисқа муддатларда Ташқи меҳнат миграцияси агентлиги орқали ишга ёллаш имкониятлари кўриб чиқилишига келишилди.
Мавзуга оид
10:10 / 20.09.2024
Корея Ўзбекистон ҳудудларида пеллет кластери ташкил этади
11:52 / 04.09.2024
Корея ўзбекистонлик ёшларни халқ табобатига асосланган фармацевтика соҳасида ўқитишни режалаштирмоқда
13:09 / 31.08.2024
Ўзбекистонликлар Кореяга мавсумий виза бўйича ҳам ишга юборилади
09:30 / 19.08.2024