Қўшимча функционаллар
-
Тунги кўриниш
Ўзбекистон | 13:04 / 24.09.2023
14925
1 дақиқада ўқилади
Тошкентда поезд устида селфи тушмоқчи бўлган йигитни ток урди
Тошкентдаги «Ҳамза» темирйўл бекатида поезд устига чиқиб, селфи тушмоқчи бўлган 18 ёшли йигитни 27 минг волтли ток урди. Ҳозирда унинг аҳволи оғирлиги айтилмоқда.
Тошкентда поезд вагони устига чиқиб, расмга тушмоқчи бўлган 18 ёшли йигитни 27 минг волтли ток урди, дея хабар бермоқда MilliyTV телеканалининг «Миллар» дастури.
Воқеа 20 сентябр куни соат 19:05 да «Ҳамза» темирйўл бекатида содир бўлган. Йигит электр токи уриб, ерга йиқилган. Воқеа жойига етиб келган станция ходимлари жабрланувчига биринчи тиббий ёрдам кўрсатган ва тез ёрдам чақирган.
Йигит танасининг 98 фоизи ток уриши натижасида куйгани ва ҳозирда аҳволи оғир экани айтилмоқда. Ҳуқуқ-тартибот идоралари ходимлари суриштирув ишларини олиб бормоқда.
