Афғонистонда кучли ёмғир сув тошқинлари келтириб чиқарди, ўнлаб одамлар ҳалок бўлди
Афғонистон шимоли-шарқидаги Бағлон вилоятида мавсумий ёмғирлар оқибатида камида 50 киши ҳалок бўлди, дея маълум қилди "Толибон" расмийлари.
Associated Press агентлигининг вилоят табиий офатларга қарши кураш бошқармаси директорига таяниб хабар беришича, сув тошқини бир қанча ҳудудларда уйлар ва мулкларга ҳам зарар етказган.
Агентликнинг унинг сўзларидан иқтибос келтиришича, "ҳалок бўлганлар сони кўпайиши мумкин".
Толибларнинг табиий офатлар билан курашиш вазирлиги вакили айтишича, сув тошқинлари Кобулга ҳам таъсир кўрсатди. Унга кўра, жабрланган ҳудудларга озиқ-овқат ва бошқа ёрдамлар билан қутқарув гуруҳлари юборилган.
Апрел ойида бутун мамлакат бўйлаб кучли ёмғир ва сув тошқини оқибатида камида 70 киши ҳалок бўлган.
Мавзуга оид
15:07 / 27.09.2024
Фестивал фожиага айланди: Ҳиндистонда 46 киши чўкиб кетди, уларнинг аксарияти болалар
23:22 / 24.09.2024
БМТ Афғонистонда аёлларга қўйилган барча чекловларни олиб ташлашни талаб қилди
19:37 / 24.09.2024
Муҳожирлардан ҳимояланиш учун: Эрон Афғонистон билан чегарада девор қурмоқда
00:28 / 19.09.2024