Қўшимча функционаллар
-
Тунги кўриниш
«Ўзбекконцерт» лицензиясиз фаолият юритган 65 нафар санъаткорга чора кўрди
«Ўзбекконцерт» бошловчилар, санъаткорларнинг лицензияси бор ёки йўқлигини аниқлашга, лицензиясиз ижодкорларнинг хизматидан фойдаланмасликка чақирмоқда.
Фото: Flickr / Ben Grey
«Ўзбекконцерт» давлат муассасаси биринчи ярим йилликда лицензиясиз фаолият юритган 65 нафар санъаткорга чора кўргани ҳақида хабар берди. Уларнинг исми-шарифи келтирилмаган.
Қайд қилинишича, ҳозир ижтимоий тармоқлар орқали маълум бир аудитория танийдиган ёки бўлмаса лицензияга эга бўлмаган ижодкорлар кўрсатув ва эшиттиришларга меҳмон сифатида чақирилмоқда. Ваҳоланки, ҳар қандай санъаткор ўз ижодини тақдим қилишда, оммавий ахборот воситаларида қўшиқлар ва видеоклипларни аҳолига етказиш учун лицензия талаб этилади. Тўй маросимлари, оилавий базмлар, барлар ва ресторанлардаги йиғинларда ҳам лицензиясиз фаолият кўрсатиш ҳолатлари кўпаймоқда.
«Ўзбекконцерт» давлат муассасаси оммавий ахборот воситалари ҳамда халқ хизматига таклиф этилаётган бошловчилар, санъаткорларнинг лицензияси бор ёки йўқлигини аниқлашга, лицензиясиз ижодкорларнинг хизматидан фойдаланмасликка чақирмоқда.
Таъкидланишича, концерт-томоша фаолиятини амалга ошириш учун лицензия беришда Маданият вазирлиги ҳузуридаги «Ўзбекконцерт» давлат муассасаси ваколатли орган ҳисобланади.
Мавзуга оид
20:41 / 24.09.2024
“5 октябрдан Умра турфирмалари амалдаги лицензияси билан ишлай олмайди” – Дин ишлари бўйича қўмита
11:58 / 04.09.2024
Akfa университети лицензияга эга бўлмаган таълим йўналишига талабаларни қабул қилган
11:50 / 13.06.2024
Нодавлат олийгоҳларга юриспруденция йўналишига лицензия берилмаяпти. Бунга сабаб нима?
20:36 / 07.06.2024