ЕЧЛ анонси. Бугун яна 3 жамоа плей-офф масаласини ҳал қилиши мумкин

«Трибуна» Чемпионлар лигасининг чоршанба оқшомида кечадиган навбатдаги учрашувлари анонсини тақдим этади.

Ибраҳимовичнинг қайтиши

A гуруҳи
БАЗЕЛЬ – МАНЧЕСТЕР ЮНАЙТЕД
Бугун. Базель. «Санкт-Якоб Парк» стадиони. 22.45 (Матч ТВ – 00.30).
ЦСКА – БЕНФИКА
Бугун. Москва. «Лужники» стадиони 22: 00

«МЮ» амалда гуруҳ ғолиблигини қўлга киритган. Жозе Моуриньонинг Чемпионлар лигасидаги ишлари яхши кетмоқда. Базелдаги ўйинда «МЮ» кейинги босқич масаласини ҳал этиши мумкин.

Қолаверса, бу ўйинда Златан Ибраҳимович ЕЧЛга қайтиши мумкин. «Ньюкасл»га қарши ўйинда швециялик футболчи озроқ ўйнади. Бугун ҳам уни омма кутмоқда. Ҳозирча мураббий эҳтиёткорлик қилмоқда: «У биринчи дақиқаларданоқ ўйнашга тайёр эмас». Аммо у захирадан тушиши мумкин. Златан учун бу Чемпионлар лигасида 2016 йил баҳоридан буён илк ўйин бўлиши мумкин.

«Бенфика»га қарши ўйинда армиячилар камида Европа Лигасида қатнашишни кафолатлаб қўйиши мумкин. Агар «Базель» бугун ўз уйида «Манчестер Юнайтед»га ютқазса, москваликларда Чемпионлар лигаси плей-офф босқичи учун ҳам имконият бўлади.

Мбаппе энди ростан ҳам ниндза черепашка

B гуруҳи
ПСЖ – СЕЛТИК
Париж. «Парк де Пренс» стадиони. 22.45 (Матч Игра – 00.30).
АНДЕРЛЕХТ – БАВАРИЯ
Брюссель. «Констан Ванден Сток» стадиони. 22.45 (Матч Арена – 00.30).

Бу гуруҳда плей-офф иштирокчилари аниқ бўлган. Шу туфайли жамоаларнинг футболчилари ижтимоий тармоқларда кўнгилхушлик қилиш билан банд. «ПСЖ» футболчиси твиттерида Мбаппе Тиагу Силванинг совғасидан қандай хурсанд бўлаётгани тасвирини жойлади. Бу Мбаппега ўхшаш кўринишдаги ниндза черепашка ниқоби эди. Балки «Селтик» билан ўйинда гол урса, франциялик вундеркинд голини шу ниқобни тақиб нишонлар?

«Бавария» ҳам Бельгияга чигалёзди учун келади. Аммо биринчи ўрин билан чиқиш учун немислар ғалаба қозониши шарт. «Ҳа, биз плей-офф масаласини ҳал қилиб бўлганмиз. Аммо биз ўйинни ташлаб қўймаслигимиз керак», деган Зюле ўйиндан олдин.

C гуруҳи
Конте Бокуга, Рим Мадридга қарши

КОРАБОҒ – ЧЕЛСИ
Боку. "Азерсун" стадиони. 20.00 (Матч Футбол 1 – 21.45).
АТЛЕТИКО – РОМА
Мадрид. Стадион "Ваньда Метрополитано". 22.45 (Матч Футбол 2 – 00.30).

«Челси» Чемпионлар лигасини нимчорак финали йўлланмасини ҳал қилиш учун аутсайдерни енгиши кифоя. Биринчи даврада лондонликлар ўз майдонида озарларни 6:0 ҳисобида таслим этганди. Конте бу ўйинга жиддий қарамоқда. Ахир озарбойжонликлар «Атлетико»дан икки ўйинда ҳам очко ололди, «Рома» билан тенгма-тенг ўйнади, нега «Челси»га муаммо туғдира олмаслиги керак?

Мадридда «Атлетико» охирги имконларидан фойдаланишга ҳаракат қилиб кўради. «Рома»ни қабул қиладиган Симеоне шогирдлари икки марта финалдан кейин гуруҳдан чиқа олмай қолиши ҳам мумкин. Бу жамоага ҳатто «Рома» ва «Челси» устидан ғалабалар ҳам етарли бўлмай қолиши мумкин.

D гуруҳи
Ракитич ва Буффоннинг ўзаро ҳурмати

СПОРТИНГ Л – ОЛИМПИАКОС П
Лиссабон. «Жозе Алваладе» стадиони. 22.45 (Матч Наш спорт – 00.30).
ЮВЕНТУС – БАРСЕЛОНА
Турин. «Алльянц» стадиони. 22.45 (Матч Футбол 1 – 00.30).

«Ювентус»га қарши ўйиндан олдин «Барселона» футболчиси, хорватиялик ярим ҳимоячи Иван Ракитич туринликлар жамоаси дарвозабони Жанлуижи Буффонга қарата таъсирли сўзлар айтди: «Унга жаҳон чемпионатидаги ўрнимни берган бўлардим. Буффоннинг йиғлаётганини кўриб, кўзимга ёш келди. Бундай футболчи фаолиятини бошқача якунлаши лозим эди».

Жижи твиттерида унга ҳазиломуз тарзда жавоб қайтарди.

«Муҳтарам Иван Ракитич, мен дарвозабон сифатида фаолиятимни давом эттираман. Хорватия терма жамоасида яримҳимоячи бўлиш яхши ғоя эмас деб ўйлайман. Сенинг фойдангни кўзлаб, шундай деяпман. Жиддий гапирадиган бўлсам, сўзларинг мен учун катта совға бўлди. Сенга ва Жорди Альбага раҳмат. Футболкам сизларни кутмоқда» - деди Буффон.

Бизни шундай дўстона муҳитда кечадиган ажойиб ўйин кутиб турибди. Бу ўйинда дурангга эришиш орқали «Барселона» навбатдаги босқич масаласини ҳал қилган жамоалар сафига қўшилиши мумкин. Бу ҳолатда охирги турда «Ювентус» «Спортинг»ни мағлуб этиши керак бўлади.