АПЛда турнинг марказий учрашувида ғолиб аниқланмади, «Арсенал» тўртинчи ўринга қайтди

Англия чемпионатининг 27-турида «Манчестер Юнайтед» ва «Ливерпуль» ўзаро дуранг ўйнади. Манчестердаги «Олд Траффорд» стадионида кечган учрашувда ҳисоб очилмади - 0:0.

Ўйиннинг биринчи бўлими кескин курашлар остида ўтди ва биринчи бўлимдаёқ «Манчестер Юнайтед» бош мураббийи Оле-Гуннар Сульшер учта мажбурий ўзгаришни амалга оширди, жароҳат туфайли майдонни Андер Эррера, Хуан Мата ва Жесси Лингард тарк этишди. «Ливерпуль» эса Роберто Фирминьодан айрилди.

Бу дуранг натижадан кейин «Ливерпуль» очколари сонини 66 тага етказиб, биринчи ўринга чиқиб олди, аммо Клопп шогирдлари «Манчестер Сити»дан узоқлашиб кетиш имкониятидан фойдалана олишмади, «шаҳарликлар» ҳисобида 65 очко мавжуд. «Манчестер Юнайтед» эса 52 очко билан бешинчи ўринга тушиб қолди.

Кейинги турда «Ливерпуль» «Уотфорд»ни қабул қилади. «Манчестер Юнайтед» «Кристал Пэлас» меҳмони бўлади. Икки ўйин ҳам 27 февралга белгиланган.

«Арсенал» бу турда «Саутҳемптон» устидан ғалабага эришди. Лондондаги «Эмирейтс» стадионида кечган учрашув майдон эгаларининг 2:0 ҳисобидаги ғалабаси билан якунланди.

Ўйиндаги икки голни ҳам «Арсенал» футболчилари ўйин бошидаёқ уришди, 6-дақиқада Александр Ляказетт Генрих Мхитаряннинг пасидан кейин ҳисобни очди, 17-дақиқада унинг ўзи Мхитарянга голли пас узатди.

Бу ғалабадан кейин «Арсенал» очколари сонини 53тага етказди ва турнир жадвалида «МЮ»ни қувиб ўтди. «Саутҳемптон» 24 очкоси билан 18-ўринда қолди.

АПЛнинг кейинги турида АПЛ «Арсенал» «Борнмут» билан куч синашади, «Саутҳемптон» эса «Фулҳэм» билан ўйнайди.

Англия чемпионати
27-тур
Манчестер Юнайтед – Ливерпуль 0:0
Манчестер Юнайтед – Де Хеа, Янг, Смоллинг, Шоу, Линделеф, Погба, Эррера (Перейра, 21), Мактомини, Мата (Лингард, 25; Санчес, 43), Рэшфорд, Лукаку.
Ливерпуль – Алиссон, Робертсон, ван Дейк, Матип, Хендерсон (Шакири, 72), Милнер, Вейналдум, Фабиньо, Мане, Фирмино (Старриж, 31), Салоҳ (Ориги, 79).
Огоҳлантиришлар: Милнер (23), Янг (81), Шакири (83), Вейналдум (90).

Арсенал – Саутҳемптон 2:0 (2:0, 0:0)
Голлар: 1:0 – 6 Ляказетт, 2:0 – 17 Мхитарян.
Арсенал – Лено, Лихтштайнер (Косьельни, 56), Колашинац, Мустафи, Папастатопулос, Рэмзи (Ўзил, 63), Торрейра, Ивоби (Обамеянг, 75), Мхитарян, Джака, Ляказетт.
Саутҳемптон – Ганн, Таргетт, Беднарек, Вестергор, Валери, Уорд-Проуз, Ромеу, Редмонд, Хейбьерг, Армстронг (Обафеми, 46; Эльюнусси, 65), Стивенс (Остин, 46).