Doing Business 2020: Ўзбекистон «Қурилишга рухсат бериш»да 132-ўрин, «Халқаро савдо»да 152-ўринни эгаллади

Ўзбекистон Doing Business 2020 ҳисоботида «Қурилишга рухсат бериш» йўналишида 132-ўринни, «Халқаро савдо»да 152-ўринни эгаллади.

Жаҳон банкининг ҳар йиллик ҳисоботида айтилишича, мамлакат бизнесни рўйхатдан ўтказиш бўйича дунёнинг 190та давлати ичида 8-ўринни эгаллади.

Шу билан бирга, Ўзбекистон «Қурилишга рухсат бериш» кўрсаткичи бўйича 132-ўринда қайд этилган. «Электр энергияси таъминоти» мезонида 86,9 балл тўпланиб, республика 36-поғонани эгаллади. «Мулкни рўйхатдан ўтказиш» - 67,9 балл ва 72-ўрин, «Кредит олиш» - 65 балл ва 67-ўрин, «Миноритар инвесторлар ҳимояси» - 70 балл, 37-ўрин, «Солиқ солиш» - 77,5 балл, 69-поғона.

Бундан ташқари, Ўзбекистон «Халқаро савдо» йўналишида 58,2 балл тўплади ҳамда 152-ўринни эгаллади. «Шартномалар ижросини таъминлаш» бўйича - 71,9 балл ва 22-ўрин, «Тўловга қобилиятсизликка рухсат бериш» - 43,5 балл ҳамда 100-ўрин.

Бу йил бизнес юритиш қулайлиги бўйича етакчи ўнликка Янги Зеландия, Сингапур, Ҳонконг, Дания, Корея Республикаси, АҚШ, Грузия, Буюк Британия, Норвегия ва Швеция кирди. Одатда рейтинг етакчиларида рўйхатдан ўтказиш ва мулкни топширишнинг онлайн тартиблари, шунингдек солиқ декларациясини топшириш учун электрон платформалар мавжуд.

Бизнес учун қулай муҳит камбағалликнинг паст даражаси билан боғлиқ ва тартибга солишнинг самарадорлигини ошириш тадбиркорликни, стартапларни, инновацияларни, шунингдек ссудалар ва сармояларнинг ривожланишига олиб келиши мумкин.

Бундан олдин, Ўзбекистон ишбилармонлик муҳитини яхшилашда энг катта ютуқларга эришган топ-20 мамлакат қаторига киргани хабар берилганди.