«Чемпион ҳикоялари». Фернандеш болаликдаги кумири, голни нега бундай нишонлаши ва ғолиблик менталитети ҳақида

Cўнгги вақтлардаги энг омадли трансферлар ҳақида гап кетганда, шубҳасиз, кўпчилик «Манчестер Юнайтед»га келиб, қисқа вақтда жамоа етакчисига айланган Бруну Фернандешни эсга олади. У нафақат ўзини намоён қилди, балки жамоани шу даражада кучайтирдики, манчестерликлар АПЛда қаторасига 14 мағлубиятсиз ўйин ўтказиб, 3-ўринда якунлашга муваффақ бўлишди. Қуйида португалиялик юлдузнинг болалигига, уни Брунуга айлантирган омилларга, футболчининг ҳиссиётларига сайр қиламиз.