«Бизни муваффақиятли мавсум кутиб турибди». Роналду «МЮ» билан шартнома имзолади

Ҳужумчи Криштиану Роналду расман «Манчестер Юнайтед» футболчисига айланди.

36 ёшли португал манкунианликлар билан 2 йиллик шартнома имзолади. Шунингдек, битимда уни яна бир йилга узайтириш тўғрисидаги банд ҳам бор.

Ҳужумчи клуб расмий сайтида дастлабки фикрлари билан ўртоқлашди: «Манчестер Юнайтед» — доим менинг қалбимда бўлган клуб. Жамоамга қайтганимдан сўнг келган барча мактублар ва табриклардан ҳаяжондаман.

Яна «Олд Траффорд»да, трибуналар тўла мухлислар қаршисида ўйнашни сабрсизлик билан кутяпман. Сабр билан асосий таркибга киритилишимни кутаман. Миллий жамоа йиғинлари тугагач, Манчестерга бораман ва тезда жамоага қўшилиб кетаман, деб ўйлайман. Умид қиламанки, олдинда бизни жуда муваффақиятли мавсум кутиб турибди», — деди португалиялик футболчи.

Аввалроқ «Ювентус» Роналду трансфери учун «МЮ» 15 млн евро тўлашини эълон қилганди.

#Криштиану Роналду #Манчестер Юнайтед

Kun.uz янгиликларини Google News'да кузатинг

+ Обуна бўлиш