Австрияда янги канцлер ўз лавозимини бажаришга киришди

Австрия халқ партияси етакчиси Карл Нехаммер мамлакат канцлери лавозимини бажаришга киришди. 3 декабрда Нехаммер партия етакчиси ва канцлер лавозимига номзод этиб тайинланганди.

Фото: Reuters

Мамлакат федерал президенти Александер Ван дер Беллен бунгача ички ишлар вазири лавозимини эгаллаган Нехаммердан қасамёд қабул қилган.

2 ой давомида канцлер вазифасини бажарган Александр Шалленберг аввалги лавозимига қайтган. У Австриянинг собиқ канцлери Себастьян Курц коррупцион можаро сабабли октябрда истеъфога кетгандан кейин унинг ўрнини эгаллаганди. Шалленберг Австрия халқ партияси етакчиси лавозимида фаолиятини давом эттирган Курц сиёсатдан бутунлай кетишини айтгандан кейин 2 декабрда истеъфога чиқишини маълум қилганди.