Redmi’нинг энг кучли смартфони июлда тақдим қилинади

Redmi K60 Extreme Edition (Redmi K60 Ultra) смартфони йилнинг иккинчи ярмида намойиш этилади, деб хабар бермоқда инсайдер Digital Chat Station.

Фото: GSM Arena

Унга кўра Redmi’нинг энг кучли смартфони мақомини оладиган гаджет июл ойида тақдим этилади.

Смартфон MediaTek Dimensity 9200+ чипида ишлайди. Бу чип ўйинларнинг ишлашида юқори самарадорликни таъминлаб беради.

Қурилма 1,5 К текис экранга эга ва у жуда ингичка рамка билан ўралган. У ўта юқори бўлган 144 герц частотани қўллаб-қувватлайди.

Смартфон 5000 миллиампер-соат қувватга эга аккумулятор билан жиҳозланган. Тезкор қувватлантириш имконияти мавжуд. Асосий камера 50 мегапикселли (IMХ8 сериясидаги камера) бўлиши кутилмоқда. Шунингдек, у флагманларга хос суратларни қайта ишлаш хусусиятини ҳам ўзида жамлайди.

Маълумот учун, Redmi Хитойнинг Xiaomi компаниясига тегишли суб-бренд ҳисобланади.

#Redmi