Қўшимча функционаллар
-
Тунги кўриниш
«Арзон Дорихона»га берилган лицензия бекор қилинди
«Арзон Дорихона»га тегишли шохобчада давлат рўйхатидан ўтмаган дори воситалари, тиббий буюмлар ва тиббий техника аниқлангани таъкидланмоқда.
Фото: uzpharmagency.uz
Тошкент шаҳрида «Арзон Дорихона» масъулияти чекланган жамиятга дори воситалари ва тиббий буюмларни чакана реализация қилиш фаолияти учун 2020 йил сентябрда берилган лицензия суд қарори билан бекор қилинди. Бу ҳақда Фармацевтика фаолиятини лицензиялаш бошқармаси хабар берди.
Қайд қилинишича, Фармацевтика фаолиятини лицензиялаш бошқармаси мутахассислари томонидан фуқаро мурожаати асосида Тошкент шаҳри, Учтепа туманида жойлашган «Арзон Дорихона»га тегишли шохобчада текширув ўтказилганида, 25 турдаги дори воситаси, тиббий буюмлар ва тиббий техника давлат рўйхатидан ўтмагани ҳамда ушбу дори воситаларининг мувофиқлик сертификати мавжуд эмаслиги аниқланган.
Ҳолат юзасидан «Арзон Дорихона»га берилган лицензияни бекор қилиш тўғрисидаги Фармацевтика маҳсулотлари хавфсизлиги марказининг Тошкент туманлараро иқтисодий судига киритган даъво аризаси суднинг тегишли ҳал қилув қарори билан қаноатлантирилган, ҳамда лицензия бекор қилинган.
Суд қарорининг қачондан қонуний кучга киргани ҳақида хабарда маълумот берилмаган.
Мавзуга оид
18:23 / 21.11.2024
Диний қўмита Умра зиёратини ташкил қилиш учун 12 та турфирмага лицензия берди
20:41 / 24.09.2024
“5 октябрдан Умра турфирмалари амалдаги лицензияси билан ишлай олмайди” – Дин ишлари бўйича қўмита
11:58 / 04.09.2024
Akfa университети лицензияга эга бўлмаган таълим йўналишига талабаларни қабул қилган
07:08 / 30.08.2024