Ўзбекистон мудофаа вазири бошчилигидаги ҳарбий делегация Қозоғистонга ташриф буюрди
Ўзбекистон—Қозоғистон Мудофаа вазирликлари Актау гарнизонида жойлашган «Оймаша» полигонида махсус-тактик ўқув машғулотларини ўтказмоқда.
10 август куни Ўзбекистон мудофаа вазири генерал-лейтенант Баҳодир Қурбонов бошчилигидаги ҳарбий делегация Қозоғистоннинг Ақтау шаҳрига ташриф буюрди.
Ақтау халқаро аэропортида меҳмонларни Қозоғистон мудофаа вазири генерал-полковник Руслан Жақсилиқов фахрий қоровул ҳамроҳлигида кутиб олди.
Ўзаро суҳбат давомида икки давлат мудофаа вазирлари қардош халқларнинг ҳамкорликда эришаётган ютуқларига тўхталиб, яқин дўстона муносабатлар ўзбек—қозоқ алоқаларини янги стратегик шерикчилик босқичига кўтараётганини қайд этди. Шунингдек, томонлар жанговар тайёргарлик, ҳарбий таълим ва ҳарбий-ватанпарварлик тарбияси соҳасидаги муносабатларнинг бугунги ҳолати ва истиқболларини муҳокама қилди.
Шундан сўнг мудофаа вазирлари Ўзбекистон—Қозоғистон Мудофаа вазирликларининг Актау гарнизонида жойлашган «Оймаша» полигонида ҳамкорликда ўтказаётган махсус-тактик ўқув машғулотларини кузатишга йўл олди.
Суҳбатдошларнинг фикрича, машғулотлар давомида жанговар тайёргарлик вазифаларини биргаликда бажариш штаб ва бўлинмалар ҳаракатларида тезкорлик, изчилликка эришиш, жанговар ҳаракатларнинг янги шакл ва усулларини ўзлаштириш имконини беради.
Мавзуга оид
12:10 / 02.10.2024
Украина мудофаа вазири тўрт ўринбосарини ишдан бўшатди
10:50 / 01.10.2024
РФ 2025 йилда уруш учун рекорд даражадаги 13,5 трлн рубл ажратади
09:12 / 28.09.2024
Ўзбекистон ва БАА мудофаа соҳасида ҳамкорликни йўлга қўйиши мумкин
08:30 / 28.09.2024