Turkiya va Rossiya tashqi ishlar vazirlari Sochida uchrashadi

Rossiya va Turkiya davlat rahbarlari telefon orqali o‘tkazgan muloqoti chog‘ida, ikki mamlakat tashqi ishlar vazirlari Sergey Lavrov hamda Mavlud Chavusho‘g‘li Qora dengiz iqtisodiy hamkorligi tashkiloti tashqi ishlar vazirlari kengashining Sochidagi anjumani doirasida uchrashuv o‘tkazishiga kelishib olishdi, deb xabar qilmoqda Kreml matbuot xizmati.

«Ikki davlat tashqi ishlar vazirlari shu yilning 1 iyul kuni Sochida uchrashadi. Unda, mintaqadagi vaziyat muhokama etiladi. Bunda Suriya muammosini hal etish masalasiga asosiy e'tibor qaratiladi. Shuningdek, rus-turk munosabatlarining keyingi istiqbollari borasida fikr almashiladi», — deyiladi xabarda. 

Avvalroq, Erdo‘g‘an va Putin, Rossiya-Turkiya munosabatlari sovuqlashganidan beri ilk marotaba telefon orqali suhbatlashib, mamlakatlar o‘rtasidagi o‘zaro aloqalarni qayta tiklash borasida qat'iyatlarini izhor qilishgandi.
 

Foto:rusvesna.su