Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Sport | 16:03 / 14.07.2016
    10927
    2 daqiqa o‘qiladi

    Serbiyalik futbolchi raqib hujumchilarini aldab o‘tib, o‘z darvozasiga gol urdi

    Polshadagi Sosnovets shahri sharafini himoya qiluvchi «Zaglembe» jamoasi a'zosi bo‘lgan serbiyalik himoyachi Zarko Udovichich «Stal» (Melets) jamoasiga qarshi kechgan va 1:3 hisobidagi mag‘lubiyat bilan yakunlangan o‘yinda antiqa avtogol muallifi bo‘ldi. Bu gol urilishi tasvirlangan video epizoda YouTube portaliga joylashtirilgan.

    O‘yinning 62-daqiqasi davom etayotgan va tabloda 1:1 hisobi porlab turgan vaqtda serbiyalik futbolchi chap qanotda to‘pni qabul qiladi va o‘z darvozasi tomon harakatlanadi. U yo‘lida raqiblarni aldab o‘tadi va o‘z jarima maydonchasiga "yorib kiradi". Shundan so‘ng, u o‘tkir burchakdan turib zarb bilan tepgan to‘p darvoza to‘ridan joy oladi. To‘p darvozabon qo‘llari yuqorisidan o‘tib, o‘ng burchak tomondagi to‘singa tegadi va darvoza ichiga kiradi.