Xelsinkida oziq-ovqat chiqindilaridan taomlar tayyorlanadigan restoran ochildi

Finlyandiya poytaxti Xelsinkida oziq-ovqat chiqindilaridan taomlar tayyorlanadigan restoran ochildi, deb yozmoqda Yle.

From Waste to Taste loyihasi tashkilotchilari bunday yondashuv iqlim isishi va chiqindilar muammosiga qarshi kurashda yordam berishini aytdilar.

Ta'kidlanishicha, sobiq shifoxona majmuasi Lapinlahti hududida joylashgan Loop deb nomlangan bu restoran shahar markazi yaqinida joylashgan.

Loyiha boshlig‘i Yoxann Koxvakkning aytishicha, restoran bir necha do‘konlar tarmog‘i va ulgurji savdo do‘konlari bilan restoranga chiqindiga chiqarilib tashlangan oziq-ovqat mahsulotlarining yetkazib berilishi bo‘yicha shartnoma imzolagan.

Har yili fin do‘konlarida odam boshiga 12-14 kg oziq-ovqat mahsulotlari tashlab yuboriladi.