Britaniyalik Lego konstruktorlaridan oyoq protezini yasadi

Britaniyaning Oldberi shahrida istiqomat qiluvchi Mark Kronin o‘zining oyoq protezini Lego konstruktorlaridan yasadi. Bu haqida The Mirror nashri ma'lum qildi. 

Bir necha yil avval Mark diabet kasalligi tufayli oyog‘idan ayrildi va sug‘urta bo‘yicha beriladigan protezni kutib o‘tirmaslikka qaror qildi. U mustaqil ravishda protez yasab, Reddit'da uning rasmini chop etdi. 

Britaniyalik kishi qizining Lego'sidan yasalgan protezda yurib bo‘lmasligini aytgan. Keyinchalik u sun'iy protezga ega bo‘ldi, o‘yinchoq protezini esa san'at asari kabi xona burchagiga yasatib qo‘ydi. 

Kroninning so‘zlariga ko‘ra, 2013 yilda unga diabet tashxisi qo‘yilgan. Shifokor unga bu kasallikka 2000-yillarning boshidayoq chalinganini, biroq o‘zini namoyon etmaganini aytgan. Tashxis qo‘yilgandan bir yil o‘tib, britaniyalik chap oyog‘idagi barmoqlaridan, keyinchalik esa butun oyog‘idan ajralgan.