Ispaniya shimolida yo‘lovchi poyezdi izdan chiqib ketdi

Ispaniya shimolida poyezd o‘z izidan chiqib ketishi oqibatida kamida 2 kishi halok bo‘lgan, bir necha kishi jarohatlangan. Bu haqda Ispaniyadagi Voz de Galicia xabar bergan.

Hodisa Galisiyadagi Porrino munitsipalitetida, Portugaliya bilan chegara yaqinida ro‘y bergan.

Poyezdda jami 60 kishi bo‘lgan. Hodisa birinchi poyezd izdan chiqib ketishi ortidan ro‘y bergan. Shundan so‘ng 2 vagon butunlay ag‘darilgan. Yo‘lovchilarning asosiy qismi poyezdlardan mustaqil holda chiqa olgan.

Bu voqea Louredo-Valos va Porrino bekatlari oralig‘ida sodir bo‘lgan.

Poyezd Portugaliyaning Comboios Portugal kompaniyasiga tegishli bo‘lib, Ispaniyaning Vigo shahridan Portugaliyaning Portu shahriga qatnovni amaliga oshirayotgandi.