Turkiya AQShga Gulenni hibsga olish haqidagi rasmiy so‘rovni yo‘lladi

Turkiya harbiy to‘ntaruv harakatini amalga oshirishda ayblanayotgan Fathulla Gulenni hibsga olish uchun Qo‘shma Shtatlarga rasmiy so‘rov yo‘lladi. Bu haqida NTV xabar berdi. 

Rasmiy so‘rov Turkiya Adliya vaziriligi tomonidan yo‘llandi. Bu Turkiyaning Gulenni hibsga olish haqidagi birinchi rasmiy so‘rovidir. 

Turkiya Gulenni 15 iyulga o‘tar kechasi sodir bo‘lgan harbiy to‘ntaruv harakatini tashkillashtirishda va boshqarishda ayblamoqda. 

Turkiya prezidenti Rajab Toyyib Erdo‘g‘an bunday so‘rovnomani yuborish imkoniyatini Xitoyda bo‘lib o‘tgan G20 sammitida AQSh prezidenti Barak Obama bilan muhokama qilgan.