Etihad Airways samolyoti Abu-Dabiga favqulodda qo‘nishni amalga oshirdi

Birlashgan Arab Amirliklarining Etihad Airways milliy aviakompaniyasining bortida 329 nafar yo‘lovchi bo‘lgan samolyoti mamlakat poytaxti Abu-Dabi shahri aeroportiga favqulodda qo‘nishni amalga oshirdi, deya xabar qilmoqda Associated Press agentligi.

Ma'lumotlarga ko‘ra, hodisa 27 sentabrda yuz bergan. O‘shanda, Abu-Dabi-Sidney yo‘nalishi bo‘yicha EY450 reysini amalga oshirayotgan Boeing-777 havo kemasi Abu-Dabidan havoga ko‘tarilgach, ko‘p o‘tmay BAA poytaxtiga qaytgan. Bunga dvigatelning ishdan chiqqani sabab bo‘lgan. 

Biroq, hozircha, dvigatel nima sababdan ishlamay qolganiga oydinlik kiritilmagan.