Gruziyalik siyosatchilar Rossiya sababli jonli efirda urishib ketishdi

Gruziyada "Iberiya" telekanali jonli efirida mamlakat parlamentiga deputatlikka ikki nomzod urishib keti. 

Studiyada nomzodlar – "Paata Burchuladze – Davlat xalq uchun" bloki vakili Irakliy Glonti va "Topadze - Sanotchilar, Bizning vatan" bloki vakili Zaza Agladze o‘rtasida Gruziyaning tashqi siyosiy yo‘nalishi haqida teledebatlar o‘tayotgan bo‘lgan. 

Debatning 15-daqiqasida Glonti tomonga raqibi tomonidan suvli stakan uloqtirildi. Bunga esa Topadzega nisbatan Rossiya manfaati yo‘lida harakat qilishi haqidagi ayblov sabab bo‘ldi. Boshlovchi siyosatchilarni ajratishga uringan, biroq buning uddasidan chiqa olmagach, ko‘rsatuvni to‘xtatgan. 

"Paata Burchuladze – Davlat xalq uchun" blokiga yaqinda opera ijrochisi Paata Burchuladze tomonidan asos solingan partiya, sobiq prezident Mixail Saakashvili safdoshlari va eng faol noparlament partiya "Yangi o‘nglar" kiradi. Bu blok o‘zining g‘arb siyosatiga yon bosishi bilan ajralib turadi.

"Topadze - Sanotchilar, Bizning vatan" bloki esa milliarder Bidzina Ivanishvili tarafdorlari – "Sanoat Gruziyani saqlab qoladi" hamda Rossiyaparast "Bizning vatan" partiyalarini birlashtirgan. Bu blok Gruziyaning NATO va Yevropa Ittifoqi tarkibiga qirishdan voz kechishi evaziga Rossiya bilan munosabatlarni o‘rnatish tarafdori hisoblanadi.