Video: Dmitriy Medvedev forum o‘tayotgan zaldan zudlik bilan evakuatsiya qilindi

Foto: © RIA Novosti

Rossiya bosh vaziri Dmitriy Medvedev Skolkovoda o‘tayotgan “ochiq innovatsiyalar” forumi qatnashchilari bilan birga tadbir bo‘layotgan zaldan evakuatsiya qilindi.

Bahs-munozaralar vaqtida boshlovchi “xavfsizlik nuqtai nazaridan binoni tark etish lozimligini” aytib qoldi. Qatnashchilar chiqish eshigi tomon yo‘nalishdi.

Manbaning ma'lum qilishicha, sessiya ishtirokchilarini federal xavfsizlik xizmati xodimlari olib chiqib ketishgan. Asosiy zaldan kuyindi hidi sezilgan. Taxminlarga ko‘ra, bino gumbazlari ostida o‘tgan kabellarda qisqa tutashuv sodir bo‘lgan.

Forumda bosh vazir Medvedev, bosh vazir o‘rinbosari Arkadiy Dvorkovich, vazirlar va biznesmenlar ishtirok etishmoqda.