O‘zbekiston – Iordaniya uchrashuvi “Paxtakor” stadionida o‘tkaziladi

Jahon chempionati saralashining uchinchi bosqichida ishtirok etayotgan O‘zbekiston terma jamoasi Janubiy Koreyaga qarshi o‘yin oldidan Iordaniyaga qarshi Toshkentda o‘rtoqlik uchrashuvi o‘tkazadi.

Ushbu uchrashuv 10 noyabr kuni Toshkentdagi “Paxtakor” markaziy stadionida bo‘lib o‘tadi. O‘yinning boshlanish vaqti 17:00ga mo‘ljallangan. Bu haqda O‘FF rasmiy sayti xabar berdi. 

Ta'kidlash kerakki, O‘zbekiston terma jamoasi Janubiy Koreyaga qarshi o‘yinga tayyorgarlik ko‘rish maqsadida 4 noyabr kuni o‘zining navbatdagi yig‘iniga kirishadi. Iordaniyaga qarshi o‘rtoqlik o‘yini ushbu yig‘in doirasida bo‘lib o‘tadi.

Manba: Tribuna.Uz