Xitoy o‘zining birinchi suzuvchi AESni qurishni boshladi

Xitoy Xalq Respublikasi o‘zining ilk suzuvchi atom elektrstansiyasini qurish ishlarini boshlab yubordi, deb xabar qilmoqda RIA «Novosti» agentligi. 

Qayd etilishicha, bu turdagi birinchi AESni China General Nuclear Power Corp. kompaniyasi barpo etadi. Unda ACPR50S atom reaktori o‘rnatiladi. Hozircha stansiyaning o‘rnatiladigan o‘rni sir saqlanmoqda. 

Eslatib o‘tamiz, Xitoy milliy yadro korporatsiyasi rahbari birinchi suzuvchi AES qurilishi 2016 yil oxirida boshlanishini bildirgan edi. U 2019 yilda foydalanishga topshiriladi.