Apple qayta tiklangan iPhone sotuvini boshladi

Amerikaning Apple kompaniyasi qayta tiklangan iPhone smartfonlari sotuvini boshladi. Bu haqda CNET xabar bermoqda.

Nashrning ma'lum qilishicha, Apple anchadan beri qayta tiklangan Mac sotuvi bilan shug‘ullanib kelmoqda. Endi esa kompaniyaning maxsus saytida iPhone paydo bo‘ldi. Bunday smartfonlarda yangi korpus va akkumulyator o‘rnatilgan. Shuningdek, bir yillik kafolat ham beriladi.

Misol uchun qayta tiklangan 64 GB li iPhone 6S Plus 589 AQSh dollari (yangi modeldan 110 dollarga arzon) yoki 16 GB li iPhone 6S 449 dollar (bu ham yangisidan 80 dollar arzon).