Kerri iqlimning global o‘zgarishi haqiqat ekanligini  tasdiqladi

AQSh davlat kotibi Jon Kerri shanba kuni o‘zining Twitter'dagi tarmog‘i orqali Antarktidada tushgan suratini taqdim etdi va iqlimning global o‘zgarishi - haqiqat ekanligini ta'kidladi. 

Kerrining Antarktidadagi Mak-Merdo stansiyasiga tashrif buyurgani haqida xabar berilgan edi.  Mazkur safar global isish masalalariga bag‘ishlangan. Tashrif doirasida davlat kotibi Rossa oroli yaqinidagi hududlar va Amundsen - Skott stansiyasiga ham boradi. 

"Antarktidada dunyoning yetakchi tadqiqotchilari bilan. Ilm-fanga ayon: iqlimning o‘zgarishi - haqiqat. Biz o‘z qo‘rquvlarimizdan kelib chiqib, buni inkor etamiz", - deb yozgan davlat kotibi suratning tagiga. 

Saylov oldi debatlari chog‘ida demokratlar nomzodi Hillari Klinton raqibi Donald Trampni iqlimning o‘zgarishi - "xitoyliklarning o‘ylab topgan cho‘pchagi" degani uchun ayblagandi. Trampning shtabida bunga biroz boshqacha izoh berildi: respublikachi nomzod iqlimning o‘zgarishi inson ta'siri ostida emas, tabiiy sabablarga ko‘ra ro‘y bermoqda, deb hisoblaydi.