O‘zbekiston rahbari Moldovaning yangi saylangan prezidentini tabrikladi

O‘zbekiston Respublikasi prezidenti vazifasini bajaruvchi Sh. Mirziyoyev Moldova Respublikasining yangi saylangan prezidenti Igor Dodonni prezidentlik saylovidagi g‘alabasi bilan tabrikladi. Bu haqda, O‘zbekiston tashqi ishlar vazirligi matbuot xizmati xabar qilmoqda. 

Tabrik maktubida davlat rahbari O‘zbekiston va Moldova o‘rtasidagi an'anaviy do‘stlik munosabatlari va o‘zaro manfaatli hamkorlik davlatlarimiz va xalqlarimiz manfaatlari yo‘lida bundan-buyon ham rivojlanishi va mustahkamlanishiga ishonch bildirgan. 

Prezident vazifasini bajaruvchi, Igor Dodonga mustahkam sog‘liq, bardamlik, mas'uliyatli davlat mansabida ulkan muvaffaqiyatlar, Moldova xalqiga esa tinchlik va taraqqiyot tiladi.