Qarshida Islom Karimov xotirasiga bag‘ishlangan boks kechasi o‘tkaziladi

Bugun, 26 noyabr kuni Qashqadaryo viloyatining Qarshi shahrida O‘zbekiston Respublikasining Birinchi Prezidenti Islom Karimov xotirasiga bag‘ishlangan professional boks kechasi bo‘lib o‘tadi. Bu haqda Olamsport xabar bermoqda.

Unda O‘zbekiston charm qo‘lqop ustalaridan tashqari, Rossiya, Qozog‘iston, Gruziya, Turkmanistondan tashrif buyurgan bokschilar ringga ko‘tarilishadi.

Bugungi boks kechasidan jami 7ta jang o‘rin olgan bo‘lib, ulardan ikkitasi chempionlik kamari uchun kechadi. O‘n raundga mo‘ljallangan janglarning birida Mansur Abdumamatov va Jamshid Najmiddinov o‘zaro ringga chiqishadi.

Ikkinchi chempionlik jangida qarshilik bokschi Feruz Yo‘ldoshev gruziyalik sportchi bilan bahs olib boradi. Har ikkala jang ham Osiyo chempionlik kamari uchun kechadi.

Bellashuvlar mahalliy vaqt bilan 18:00da boshlanadi.