Hindiston kinoteatrlariga kelganlar Davlat madhiyasini tinglashlari lozim bo‘ladi

Hindiston Oliy sudi mamlakat kinoteatrlaridagi seanslarning avvalida davlat madhiyasini ijro etish bo‘yicha qaror chiqardi. Uni tinglash chog‘ida kino muxlislari tik turishlari lozim, deb xabar qilmoqda «BBC».

Aniqlik kiritilishicha, sud qarori 10 kundan so‘ng kuchga kiradi. 

«Odamlar ozodlik va vatanparvarlik xususida o‘zlarining shaxsiy fikrlariga rioya qilishlariga chek qo‘yishlari lozim», — deya hakamlar so‘zlaridan iqtibos keltiradi mahalliy OAV. 

Hindiston milliy madhiyasini ijro etish amaliyoti o‘tgan asrning 60–70 yillarida keng tarqalgan, biroq keyinchalik barham topgan edi. Ta'kidlanishicha, hozirda Hindistonning 29ta shtatidagi barcha kinoteatrlarga madhiyani ijro etish majburiyatini yuklovchi yagona qonun mavjud emas.