NASAdan yangi suratlar: Saturnda bo‘ron

“Kassini” fazoviy stansiyasi yuqori orbitadan turib Yerga ilk fotosuratlarni jo‘natdi. Bu haqda NASA xabar bermoqda.

Yangi suratlarda Saturnning shimoliy yarimshari yuqori atmosferasida yuzaga kelgan bo‘ron tasviri aks etgan. Uning ko‘rinishi oltiburchak shaklini eslatib yuboradi.

Olimlar yaqin vaqtlar ichida stansiya tomonidan Saturnning tashqi xalqalari orqali tushirilgan yangi suratlarni olishdan umid qilishmoqda.

Ma'lumot uchun: joriy yilning noyabr oyida 12 yildan buyon Saturn va uning yo‘ldoshlarini o‘rganuvchi “Kassini-Gyuygens” ilmiy missiyasi yakuniy bosqichga kirdi.