Messi 2017 yilda uylanishga qaror qildi

“Barselona” hujumchisi Lionel Messi hamda Antonella Rokutstso qonuniy nikohdan o‘tishni rejalashtirmoqda.

Marca bergan ma'lumotga ko‘ra, 29 yoshli futbolchining to‘yi keyingi yilda bo‘lib o‘tadi. Taxminlarga ko‘ra, to‘y 2017 yilning yoz yoki qish fasllarida bo‘lib o‘tadi. Marosim katta ehtimol bilan Messining vatani hamda futbolchi bo‘lajak turmush o‘rtog‘ini uchratgan Argentinada bo‘ladi.

Ma'lumot uchun, 2012 yilda Lionel hamda Antonella oilasida o‘g‘il farzand dunyoga keldi va unga Tyago deb ism qo‘yishgan. Juftlikning ikkinchi o‘g‘li Mateo esa 2015 yilda tavallud topgan.