Google haydovchisiz boshqariladigan miniven yaratdi

Google kompaniyasi va Fiat Chrysler Automobiles (FCA) alyansi avtomatik boshqaruv tizimiga ega bo‘lgan minivenni taqdim etishdi. U Chrysler Pacifica Hybrid modeli asosida yaratilgan. Yangilik Waymo brendi ostida ishlab chiqariladi. 

FCA va Google o‘rtasida haydovchisiz uskunalarni yaratish bo‘yicha hamkorlik haqidagi kelishuv bahorda imzolangan. Avtomatik boshqaruv tizimini amalga tatbiq etish uchun yarim yil sarflandi. Minivenlar sotuvi oktabrda boshlangan. Biroq, mashinalar premera oldidan qo‘shimcha sinovlardan o‘tishi kerak bo‘ldi.

Mashinalarning 100 minivendan iborat birinchi partiyasi yanvarda tayyor bo‘ladi. Haydovchisiz qurilmalar AQShdagi umumiy foydalanishda bo‘lgan yo‘llarda 2017 yil davomida tajribadan o‘tkaziladi.

Blooomberg ma'lumotlariga ko‘ra, Google va FCA o‘zaro hamkorlikdagi raydsherng servisini tashkil etishni rejalashtirgan. Uning avtoparki Chrysler Pacifica asosidagi avtonom gibridlardan tashkil topadi.

Avvalroq, Google o‘zining haydovchisiz mashinasini ishlab chiqish dasturidan voz kechgani ma'lum bo‘lgandi. Kompaniya kelajakda yirik avtomobil ishlab chiqaruvchilari bilan hamkorlik qilish va hozirgi mashinalar platformasida avtomatik boshqaruvga ega avtomobillar ishlab chiqarishni rejalashtirmoqda.