Braziliyadagi qamoqxonalardan birida katta isyon ko‘tarildi

Foto:Getty images

Braziliyaning Manaus shahridagi qamoqxonada ko‘tarilgan isyon natijasida kamida 50 nafar kishi halok bo‘ldi. Bu haqida Reuters agentligi shtat xavfsizlik xizmati xodimi bergan xabarga asoslanib, ma'lum qildi.

Manbaga ko‘ra, isyonga raqobatlashuvchi to‘dalar o‘rtasidagi mushtlashuv sabab bo‘lgan. Ta'kidlanishicha, hukumat voqeani o‘rganib chiqishi davomida qurbonlar soni yanada oshishi mumkin.