Mirzo Ulug‘bek tumanida ochiladigan yangi bog‘ga Bobur nomi beriladi

O‘zbekiston Respublikasi Prezidenti Toshkent shahrining Mirzo Ulug‘bek tumanida Navro‘z bayrami arafasida ochiladigan yangi bog‘ni buyuk ajdodimiz Zahiriddin Muhammad Bobur nomi bilan atashni taklif qildi.

Davlatimiz rahbari Fanlar akademiyasi institutlari bilan hamkorlikda mamlakatimizda millatlararo munosabatlarni yanada rivojlantirish va uyg‘unlashtirishga bag‘ishlangan ilmiy tadqiqotlar o‘tkazishni tashkil etish Respublika baynalmilal madaniyat markazining yana bir dolzarb vazifasi ekanligi ta'kidladi.

"Agar O‘zbekistonda faoliyat ko‘rsatayotgan har bir milliy madaniy markazning faollari o‘zlarining tarixiy vatanlari bilan madaniy-gumanitar sohadagi munosabatlarni yanada faol rivojlantiradigan bo‘lsa, o‘ylaymanki, maqsadga muvofiq bo‘ladi. Respublika baynalmilal madaniyat markazi biz uchun muhim bo‘lgan bu masalada katta vazifani bajarishi kerak", - dedi Prezident.