AQSh-Meksika o‘rtasida quriladigan "Tramp devori" hisoblab chiqildi

AQSh prezidenti Donald Trampning Meksika bilan chegaralarda barpo etishni rejalashtirgan devori Amerika soliq to‘lovchilariga 21,6 mlrd dollarga tushadi. Tramp ushbu devor vositasida mamlakati xavfsizligini ta'minlash niyatida. Bu haqda Reyter agentligi ichki xavfsizlik vazirligiga tayangan holda xabar qilmoqda. 

Hujjatda ko‘rsatilishicha, bu devor va to‘siqlarning to‘liq tizimi bo‘ladi. Rejaga muvofiq, davlat chegarasi shu yo‘l bilan 2 ming kilometrlar masofada aniq shaklni kasb etadi. Taxminlarga ko‘ra, barcha ishlar 2020 yilgacha yakunlanadi. 

Avvalroq, Tramp Meksikadan AQShga noqonuniy muhojirlar oqimi va giyohvand moddalari bilan savdo qiluvchi jinoiy guruhlar faoliyatiga barham berish uchun devor qurish zarurligini aytgan edi. Prezident, shuningdek, devor uchun vatandoshlari pul to‘lamasligini, balki Meksika hisobidan qurilishini aytgandi.