Xitoyning qariyb 3,5 mln aholisi 2017 yilda qashshoq hududlardan ko‘chiriladi

Xitoy hukumati joriy yilda mamlakatning eng qashshoq tumanlarida yashovchi 3,4 million kishini boshqa joyga ko‘chirmoqchi. Bu haqda "Sinxua" agentligi xabar berdi.

Bunday chora Xitoyda qashshoqlikni tugatish bo‘yicha Davlat rivojlanish va islohotlar qo‘mitasi dasturi bilan o‘tkazilmoqda. Qo‘mita ma'lumotiga ko‘ra, 2016 yilda Xitoyning 22 viloyatidagi qishloq joylardan shaharlarga 2,49 million kishi ko‘chirilgan. Fuqarolar uy-joy bilan ta'minlanib, transport va ijtimoiy infratuzilmadan keng foydalanmoqda.

Xitoyda hammasi bo‘lib transport borishi muammo bo‘lgan, toza ichimlik suvi va elektr energiyasi bilan ta'minlanganlik darajasi juda past hisoblangan aholi punktlarida 45 million kishi istiqomat qiladi.