Putin Rossiyaning Suriyadagi maqsadini ma'lum qildi

Rossiya prezidenti Vladimir Putin ma'lum qildiki, Rossiyaning Suriyadagi vazifasi bu mamlakatning qonuniy hukumatini saqlab qolishdir. Bu haqda TASS xabar tarqatdi.

«Biz o‘z oldimizga Suriyaning ichki ishlariga aralashishni maqsad qilib qo‘ymaganmiz. Bizning vazifamiz — mamlakatda qonuniy hukumatni saqlab qolish va xalqaro terrorizmga hal qiluvchi zarbani berishdir», — degan prezident.

U «Suriyani terrorizm balosidan qutqarish»ga siyosiy barqarorlikni ta'minlash orqali erishish mumkinligini qo‘shimcha qilgan.

Bundan avvalroq Donald Tramp o‘zining Suriyadagi maqsadi haqida gapirgan, Bashar Asadni hukumatdan ketkazish niyatida emasligini aytgandi.