Serbiyada mudofaa zavodidagi portlash oqibatida 20 kishi jarohat oldi

28 fevralda Serbiyaning Kraguyevats shahridagi mudofaa ta'mirlash-texnik zavodidagi portlashlar va yong‘in kamida 20 kishining turli jarohatlar olishiga olib keldi, deb xabar bermoqda Serbiya radio va televideniyesi.     

Uning ma'lumotlariga ko‘ra, birinchi portlash mahalliy soat bilan 12:30 da yuz bergan, biroz o‘tib esa yana bir portlash sodir bo‘lgan.

"Zavod sexlaridan birida yong‘in chiqqandan keyin o‘q-dorilar portlay boshlagan. Yong‘in o‘q-dorilarni zararsizlantirish liniyasi joylashgan A28 obektida boshlangan", deb ma'lum qilindi xabarda.  

Ta'kidlanishicha, jabrlanganlar shahardagi klinik markazga yetkazilganlar. 

Voqea joyida o‘t o‘chiruvchilar, harbiylar va korxona xodimlari ish olib borishgan. Voqea joyiga Serbiya mudofaa vaziri Zoran Jorjyevich va uning moddiy zaxiralar bo‘yicha yordamchisi yetib kelishgan.