Shimoliy Koreyada AQSh aviatashuvchisining yakson qilinishi haqida video olindi

Shimoliy Koreya OAV o‘ziga xos tashviqot roligini taqdim etdi. Unda KXDR Qurolli kuchlarining Amerika samolyotlari va aviatashuvchisini yakson qilishi tasvirlangan, deb xabar bermoqda Daily Mail nashri.

Kadr ortida ayol suxandon “pichoq aviatashuvchining tomog‘iga tiqilgani, bombardimonchi esa olov oqimi tufayli yerga qulashi” haqida xursand bo‘lib gapirib berdi.

Fotomontaj uchun material sifatida AQSh va Janubiy Koreyaning Foal Eagle nomli qo‘shma mashqlari haqiqiy tasviri ishlatildi. Mashqlar 2017 yilning martida boshlangan bo‘lib, hozirgi kunga qadar davom etmoqda.

Avvalroq shimoliy koreyaliklar yetakchisi Kim Chen In AQShni yadro bombasi orqali “kulga aylantirib qo‘yish” bilan tahdid qildi. Bu holat agarda amerikaliklar “Shimoliy Koreya tomonga hech bo‘lmasa bitta o‘qni uzishsa” ro‘y berar ekan. 

Ma'lumot uchun, AQSh va KXDR o‘rtasidagi munosabatlar Pxenyan tomonidan qator raketa sinovlari o‘tkazilganidan so‘ng yanada keskinlashdi.