O‘zbekiston Suriyaga yutqazib JCh-2018 yo‘llanmasidan yanada uzoqlashdi

Malayziyaning Malakka shahrida, Hang Jebat Stadium o‘yingohida JCh-2018 saralashi 6-tur uchrashuvlari doirasida Suriya hamda O‘zbekiston milliy terma jamoalari o‘rtasidagi uchrashuv bo‘lib o‘tdi. Suriyadagi fuqarolik urushi tufayli uchrashuv betaraf maydonga ko‘chirilgandi.

O‘yinda 1:0 hisobi qayd etilib, mezbon maqomidagi suriyaliklarning g‘alaba qozondi.

Tomoshabop o‘tmagan uchrashuvning 88-daqiqasida jarima maydoni ichida Yegor Krimets qo‘pollik ishlatdi va Lobanov darvozasiga penalti belgilandi. Zarbani Panenka uslubida ijro etgan Umar Harbin jamoasiga g‘alaba keltirdi.

Endilikda Samvel Babayan qo‘l ostidagi jamoa 9 ochkosi bilan uchinchi o‘rinda qolmoqda. O‘zaro uchrashuvda 3 ochko olgan Suriya 8 ochko bilan to‘rtinchi o‘rinda joylashgan.

JCh-2018 saralashi, Osiyo qit'asi
Suriya - O‘zbekiston — 1:0
Gol: Harbin (90 pen)
Suriya: Ibrohim Alma, Ahmad al Solih, Muyid al Ajan, Umro al Midani, Amro Jyenyat, Umar Harbin, Mahmud al Mavoz, Fahad Yusuf, Tamir Haj Muhammad, Mardik Mardikian, Holid Mubayad.
O‘zbekiston: Aleksandr Lobanov, Yegor Krimets, Anzur Ismoilov, Islom To‘xtaxo‘jayev, Davron Hoshimov, Odil Ahmedov, Aziz Haydarov, Server Jyeparov, Jaloliddin Masharipov, Marat Bikmayev, Temurxo‘ja Abduxoliqov.