Ostonada BAA va Braziliya elchilari yordamchilarini tunab ketishdi

Qozog‘iston poytaxti Ostona shahrida politsiya xodimlari tomonidan BAA va Braziliya fuqarolariga tegishli buyumlarni o‘margan o‘g‘ri qo‘lga olindi. Bu haqda Tengrinews.kz xabar bermoqda.

Politsiyachilar shahardagi savdo markazlaridan birida ikki kishining uyali telefonini o‘g‘irlab ketgan Shimoliy-Qozog‘iston fuqarosini qo‘lga olishgan.

Ostona ichki ishlar departamenti matbuot xizmati ma'lumotiga ko‘ra, uyali telefon apparatlari BAA hamda Braziliya elchilarining yordamchilariga tegishli bo‘lgan.

Ushbu holat “O‘g‘irlik” moddasi bilan sudga qadar surishtiruv Yagona reyestrida ro‘yxatdan o‘tkazildi. Telefonlar o‘z egalariga qaytarildi. Gumonlanuvchi Ostona ichki ishlar departamenti vaqtinchalik saqlash izolyatoriga joylashtirildi.