Yunusoboddagi bog‘chada bolalar rizqini o‘g‘irlayotgan ayol ushlandi

2017 yil 14 aprel kuni Yunusobod tumani hududida joylashgan maktabgacha ta'lim muassasasida ishlovchi A. ismli shaxs jami 900 ming so‘mlik oziq-ovqat mahsulotlarini yashirin ravishda olib chiqib ketayotgan vaqtda ichki ishlar idoralari xodimlari tomonidan ushlanib, unga nisbatan Ma'muriy javobgarlik to‘g‘risidagi kodeksning 61-moddasi 1-qismi, ya'ni oz miqdorda talon-taroj qilish alomatlari bilan hujjatlar rasmiylashtirildi. Bu haqda Toshkent IIBB boshlig‘i o‘rinbosari Doniyor Toshxo‘jayev ma'lum qildi. 

Ayolning so‘zlariga ko‘ra, u 46 kilogramm tovuq, 46-48 kg makaron, 10 kg shakar va 10 kg qand olib chiqib ketayoganida shahar militsiyasi xodimlari tomonidan ushlangan. Ayblanuvchining aytishicha, u hali bog‘cha tarbiyalanuvchilarining rizqini qiyib olib chiqayotgan mahsulotlarini qanchaga sotishni o‘ylab ham ko‘rmagan.