Meksikada eng yirik og‘ufurushlardan biri yo‘q qilindi

Meksikada eng qidiriluvchi narkobaronlardan biri, "Ko‘rfaz" narkokarteli yetakchisi, Komandante Buqa laqabli Xulian Manuel Loysa Salinas banditlar va federal kuchlar o‘rtasidagi to‘qnashuv vaqtida o‘ldirildi. Bu haqda Tamaulipas shtati rahbariyati tvitterida ma'lum qildi.

"Federal kuchlar Tamaulipasda jinoyatchilar bilan to‘qnashuvda jinoyatchilar Buqa va Pancho Karreon o‘ldirilganini tasdiqlaydi", deb aytilgan xabarda.

Salinas Tamaulipas shtatining Reynosa shahrida yo‘q qilingan.

AQSh bilan chegaradosh Tamaulipas shtati Meksikaning ikkita kuchli kartellari "Los-Setas" va "Ko‘rfaz" o‘rtasida AQShga giyohvand moddalar yetkazib berishni nazoratga olish uchun jang maydoniga aylangan. Meksika hukumati ma'lumotlariga ko‘ra, Salinas odamlarni o‘g‘irlash, neft o‘g‘irlash, qurol-aslaha va giyohvand moddalar sotishda gumon qilingan.