Yakuniy natijalar: Makron Le Penni 2 foizga ortda qoldirdi

Foto:REUTERS

Fransiyaning sobiq iqtisodiyot vaziri Emmanuel Makron va "Milliy front" partiyasi yetakchisi Marin Le Pen Fransiya prezidenti saylovlarining 2-bosqichiga chiqishdi. Bundan saylovlarning yakuniy natijalari darak bermoqda.

Makron 23,75 foiz, Le Pen 21,53 foiz ovoz to‘pladi. Shu tariqa ular 7 mayda prezidentlik kursisini egallash uchun o‘zaro kurashni davom ettiradigan bo‘ldilar.

"Respublikachilar" partiyasidan nomzod Fransua Fiyon (19,91 foiz) va "Zabt etilmagan Fransiya" harakati yetakchisi Jan-Lyuk Melanshon (19,64 foiz) va qolgan nomzodlar prezidentlik poygasini tark etdilar.

#Fransiya #prezidentlik saylovlari

11 nafar nomzod Yelisey saroyi uchun kurash olib bormoqda. Fransiya konstitutsiyasiga muvofiq, birinchi turdan so‘ng ikki nomzod qoladi. Ular saylovning yakuniy bosqichida ishtirok etadi. Ikkinchi tur 7 may kuni bo‘lib o‘tadi.