Meksikada jinoyatchilar to‘qnashuvida 9 kishi halok bo‘ldi

Meksikaning Michoakan va Gerrero shtatlari chegaralarida ikki o‘zaro raqib jinoiy to‘da o‘rtasidagi to‘qnashuv oqibatida 9 kishi o‘ldirildi. Bu haqda Michoakan bosh prokuraturasi ma'lum qildi.

Prokuratura xodimlari to‘qnashuv yuz bergan Churumuko munitsipiyasiga kelib, u yerda 9 jasadni aniqlashgan. Shuningdek, o‘qqa tutilgan 4 ta mashina ham aniqlangan.

Michoakan va Gerrero shtatlari Meksikadagi eng xavfli hududlardan hisoblanadi. Bu AQShga giyohvand moddalar yetkazib berishni nazoratga olish uchun o‘zaro kurash olib boruvchi narkokartellar faoliyati bilan bog‘langan.